Back فومو Arabic Síndrome FOMO Catalan FOMO Czech Fear of missing out German Fomo Greek Fear of missing out English Síndrome FOMO Spanish FOMO sindrome Basque ترس جا ماندن Persian FOMO Finnish
Die Ongschd, ebbes zu vabasse (uff Englisch Fear of missing out unn deswesche a korz FOMO) ischä Form vunde gsellschafdlische Ongschd, B'glemmung odda Bsorschnis. Do hawwen die Laid s'Gfiehl, dasse was naijes, uugwähnlisches odda b'friedischndes vabasse dun. Bai monsche aaded des inä zwonghafdi Sorsch aus imma uffm Laufende zu blaiwe unn kummd unn vaschdergd sisch bsondas midde Teschnologije wiem Handy, Tablets oddade sozijale Nedzwerg. Do kummd de Wunsch uff, odauwand midde onnare in Vabindung zu blaiwe um middzukrische, was die so draiwen. FOMO werd a gseje, als ä Ongschd vor Raije, was zude Sorsch fiehre konn, dassma jo ä Geleschnhaid fa ä sozijale Agzijon, ä naiji Erfahrung odda ebbes brofidables vabasse kend. S'isch die Ongschd, dass womma sisch entschaide dud, nedd midzumache, dass des donn grad des falsche isch. Sozijale Nedzwerg schaffen viele Meschlischkaid fa FOMO. Do werren endlose Meschlischkaide fa Agdivideede unn sozijale Oisedz g'bode. Des bringd ä psischologischi Abhengischkaid vunde sozijale Nedzwerg, was zu Ängschd unn zu FOMO odda soga zuna uugsunde B'nudzung vum Indaned fiehre konn. Vum FOMO werd a gsachd, dasses 'n schleschde Oifluss uff die gaischdisch Gsundhaid unn uffs Wohlbfinde hodd. Währends baide Gschleschda kän Unnaschied hodd, sinn jingare Laid unna 24 Johr ofelischa unn je g'bildeda sesinn umso ofelischa sinnse a fa FOMO.